බෙදීම් නැති වරදකින් බැදීම් ඇති පරපුර ක් – අමායා උඩුවැරැල්ල
ජීවිතයේ මග වරද්දා ගත් කාටත් එය නිවැරැදි කර ගැනීමට අවස්ථාවක් හිමිවෙයි. එය නියාමාකාරව තේරුම් ගෙන වරද නිවැරදි කරගෙන ජීවිතය දිනූවන් මෙන්ම වරද තේරුම් නොගෙන කටයුතු කර අවාසනාවන්ත අවසානයකින් ජීවිතය කෙළවර ගත්තෝද අපි දැක ඇත්තෙමු. බුදුන් දවස විසූ අංගුලිමාලා බුද්ධ දේශනාව අසා නිවන් මඟ පසක් ගැනීමෙන් පසු රහත්භාවයටද පත්වූහ.මග වැරද්දාගෙන ජීවිතය 
ඛේදාන්තයකින් කෙළවර කරග න්නට කෙනෙකුට ගතවන්නේ සුළු මොහොතකි. එසේ වුවත් වරද අවබෝධ කරගෙන හරිමඟ ගමන් ගෙන ජීවිතය ජය ගැනීම මොහොතකින් ඉටුකර ගත නොහැකි ඉලක්කයකි. ඒ සඳහා කාලයක් පුරුදු පුහුණු විය යුතුය.මතට ලොල්වී මග වරද්දා ගත් දහස් ගණනකට එලෙස හරිමග කියාදෙන මධ්‍යස්ථානයක් ලෙස කන්දකාඩුව ප්‍රතිකාර හා පුනරුත්ථාපන මධ්‍යස්ථානය හැඳින්වීමට පුළුවන. කාගේ හෝ මග පෙන්වීමක් ඔස්සෙ ජීවිතයේ එළිය දකින්ට වෙර දරන පිරිස අතර සුමනසිරිලා,නඩරාජාලා,මොහොමඩ්ලා අත්වැල් බැඳගෙන සිටින්නේ ජාති,ආගම් බේද සියල්ල ජීවිතයෙන් ඈතට පාකර හරිමිනි.
අධිකරණය මගින් පුනරුත්ථාපනය සඳහා යොමුකරන පුද්ගලයින් මුලින් පැමිණෙන්නේ කන්දකාඩුවටය. කන්දකාඩුවේ ප්‍රතිකාරවලින් පසුව ඔවුන් සේනපුරට යවා වෘත්තීය පුහුණුවක් ලබා දී යහපත් මිනිසුන් ලෙස යළි සමාජයට මුදාහරින වික්‍රමය ලෙහෙසි පහසු නැත.මත්ද්‍රව්‍ය වලට ඇබ්බැහි වූ කිසිවෙකු ජාති හෝ අගම් ලෙස වර්ග කළ නොහැකිය. තම තමන්ගේ මානසික තත්ත්වයන් මත මතට ඇබ්බැහි වූවන් ලෙස කන්දකාඩුවට පැමිණෙන්නේ සංස්කෘතිය හෝ සමාජ තත්ත්වය පිළිබව කිසිදු හැඟීමකින් තොරවය.
” මෙතන්ට එන හැමෝම එක හා සමානයි.ඒ හැඟීම අපි පළමු දවසෙම ඒ අයට ලබා දෙනවා. ජාති,ආගම්,කුල,උස් පහත් බේද කිසිවක් මෙතන නැහැ. මධ්‍යස්ථානයට ඇතුළු වෙත්දිම යට ඇදුමේ පටන් සියලු ඇඳුම් ඉවත් කරලා විනාශ කරනවා. අපි දත්බුරුසුව,රැවුල බාන රේසරය,තුවාය ඇතුළු සියලු දේ ලබා දෙනවා. සරමක් කොටකලිසම් දෙකක් දිගකලිසමක් ටීෂර්ට් දෙකක්, බෙඩ් ෂීට් දෙකක්, කොට්ට උර දෙකක්,සෙරෙප්පු කුට්ටමක්, සපත්තු කුට්ටමක් ඇතුළු සියල්ල මේ භාණ්ඩ කට්ටටලයට අයත්.කොණ්ඩය කපන්නෙත් එකම රටාවකට. පුනරුත්ථාපන ක්‍රියාවලියේම කොටසක් ලෙස වගා කටයුතු වලටත් මේ අයව යොමු කරනවා………..පුනරුත්ථාපන මධ්‍යස්ථාන තුළට රැඳවියන් ඇතුළු කර ගැනීමෙන් අනතුරුව ඔවුන්ගේ ජීවිතවල වගකීම තිබෙන්නේ අපටයි එහෙයින් නීත්‍යනුකූල ලෙස වෘත්තිය පුහුණු ලබාදීමෙන් අනතුරුව මේ පිරිස් නිවෙස් කරා යැවීමට කටයුතු යොදන්න අපට සිදුවෙනවා. කවුරු කෙසේ කුමක් කීවත් ඒ සියල්ල සිදුවන්නේ නීත්‍යානුකූලව පමණයි..,” පුනරුත්ථාපන කොමසාරිස් ජෙනරාල් විශ්‍රාමික මේජර් ජෙනරාල් දර්ශන හෙට්ටිආරච්චි මහතා එසේ කීවේය.
මැහුම් ගෙතුම් පමණක් නොව කොණ්ඩ කැපීම,රූපලාවන්‍ය,බේකරි නිෂ්පාදනය ආදි විවිධ ක්ෂේත්‍ර වලට පැතිරුණු දැනුමක් මෙහිදී තරුණයින්ට ලබාදෙයි.එක් එක් පුද්ගලයාගේ හැකියාවන් නිවැරදිව හඳුනා ගෙන ඔවුන් නිසි ක්ෂේත්‍රය සඳහා යොමු කිරීමට නිලධාරීන් තුළ ඇත්තේ මනා හැකියාවකි.මතට ඇබ්බැහි වූවන්ගේ මානසික සුවතාව පිණිස භාවනා හා යෝග වැඩසටහන් මාසිකව මෙහි පැවැත්වෙයි.භාවනාවෙන් හිත නිවෙන බව දැනගත්තේ මෙහේ ආවට පස්සේ .දැන් හිතෙනවා භාවනා කරලා හිත ශක්තිමත් කර ගන්න එක අනික් හැමදේටම වඩා පහසුයි කියලා.රැඳවියෝ එසේ පවසන්නේ භාවනාව මගින් ලද මානසික සුවය විඳගනිමිනි. භාවනාව බෞද්ධාගම හා බැඳී පැවතුනද කතෝලික,හින්දු හා ඉස්ලාම් බැතිමතුන්ද ඉන් ලබන සුවය ගැන කතා කරන්නේ මහත් වූ සතුටකිනි.
